Id-dipartiment tal-Kura Primarja nieda servizz ġdid tat-Telemediċina f’Marzu tas-sena 2020, biex jipprovdi kura kontinwa, aċċessibbli u sigura fil-komunita. Dan is-servizz jopera 24 siegha kuljum, sebat ijiem fil-gimgħa. Iċ-Centru tal-Telemediċina bħalissa jiffunzjona minn faċilita apposta ġewwa s-Siġġiewi, mill-istess post li jiffunzjona iċ-Centru tas-Support tal-Klient (‘Client Support Centre’ jew CSC). B’hekk, dawn iż-żewġ entitajiet jitħaddmu b’sinerġija biexijkattru s-servizz għall-klijent.
Servizzi Kliniċi
Dan is-servizz remot kliniku huwa pprovdut minn tim magħmul minn speċjalisti tal-mediċina tal-familja, u tobba li qegħdin jispeċjaliżżaw f’dan il-qasam. It-tobba jikkomunikaw mal-pazjenti li jiġu irreġistrati, bit-telefon, fis-sistema elettronika tad-dokumenti tal-pazjent (‘Electronic Patient Records’ jew EPR), mill-Client Support Agents. Waqt il-konsulti ta’ kuljum, it-tobba jipprovdu pariri ġenerali mediċi, gwida dwar simptomi li jistgħu jesperjenzaw il-pazjenti, jisiltu u jikkowordinaw konsulti ġod-djar mat-tobba taċ-ċentri tas-saħħa, u jindirizzaw il-bzonnijiet tas-saħħa tal-pazjenti billi jiggwidawhom għas-servizzi li jeżistu bħalissa fil-komunita. Jistgħu wkoll jordnaw investigazzjonijiet, u jipprovdu informazzjoni dwar xi riżultati, fejn dan huwa indikat klinikament, bħal pereżempju każijiet fejn l-investigazzjonijiet ġew ordnati mit-tobba taċ-ċentri tas-saħħa. It-tobba jipprovdu wkoll support regolari għal klijenti fid-djar residenzjali, li jinkludu d-djar tal-anzjani.
It-tim kliniku tat-telemediċina jaħdem fil-viċin mas-servizzi tal-laboratorju ta’ Mater Dei. It-tobba jiġu nfurmati minnufih dwar riżultati li jvarjaw min-norma b’mod sinifikanti, ħalli niżguraw li l-pazjenti kkonċernati jiġu kkuntattjati b’mod f’waqtu, u li neskalaw il-kura kif inhu xieraq.
Konsulti Virtwali
Fejn huwa indikat, jistgħu isiru konsulti virtwali billi jintużaw pjattaformi siguri bħal Microsoft Teams u WhatsApp Business. Dan joffri mod viżwali sigur għall-konsulti kliniċi, b’servizz ħolistiku li jgħin l-assessjar kliniku u l-komunikazzjoni, waqt li jiggarantixxi il-kunfidenzjalita tal-pazjent.
Governanza Klinika u Dokumentazzjoni
Kull konsulta klinika hija dokumentata kompletament fl-EPR, is-sistema elettronika tad-dokumentazzjoni tal-pazjent fi ħdan il-Kura Primarja. Il-konsulti jsegwu mudelli strutturati u ibbasati fuq l-evidenza, ta’ konsulti tal-ispeċjalisti fil-mediċina tal-familja, biex tiġi offruta kura konsistenti u ta’ kwalita għolja. It-tobba li qegħdin jispeċjalizzaw fil-mediċina tal-familja jirċievu tagħlim ddedikat kemm fil-konsulti wiċċ imb’wiċċ u kemm fil-konsulti virtwali. L-attivita kurrenti (2025/2026) turi li jsiru sa 350 konsulta medika virtwali f’24 siegħa.
Tisħieħ tal-Kura fil-Komunita
Is-servizz tal-Kura Primarja tat-Telemediċina saret għodda importanti li tikkomplimenta konsulti li jsiru wiċċ imb’wiċċ, fil-kura tal-pazjenti tagħna. Dan is servizzz potenzjalment inaqqas min-nies li jirrikorru għal-kura ġoċ-Centri tas-Saħħa, waqt li jsaħħaħ l-aċċess għal pariri mediċi, isaħħaħ l-kontinwita fil-kura pprovduta, u jgħin biex titnaqqas il-pressjoni fuq iċ-ċentri tas-saħħa, waqt li tinżamm is-sigurta tal-pazjenti u l-ħaddiema.
Dettalji ta’ Kuntatt
Il-klijenti jistgħu jagħmlu użu minn dan is-servizz billi jikkuntattjaw iċ-Ċentru tas-Support tal-Klijent (‘Client Support Centre’) fuq:
Dan is-servizz tal-Kura Primarja huwa disponibbli 24 siegħa kuljum, mit-Tnejn sal-Ħadd.
Dan mhuwiex servizz tal-emerġenza. Biex tikkuntattja s-Servizzi tal-Emerġenza, ċempel 112. Jekk mintix ċert jekk is-sitwazzjoni hijiex emerġenza jew le, tista wkoll iċċempel 1400.